تبوك القاهرة 2193 ريال عاوز تمشي ولا لا!!!
رئاسة الطيران المدني وإدارة مطار تبوك في غفلة جدا جدا شديدة كنت أظن كذا لأكن يوم عرفت أنهم يأخذون فلوسهم كاش وفوقيها بوسه من الشركات المشغلة لرحلات تبوك القاهرة عرفت السبب…
كانت رحلتي من تبوك الى القاهرة طبعا المطار صار إقليمي الآن وصالة دولية وأخر كشخه المطار .. ورحت احد المكاتب الي تبيع التذاكر استفسرت عن سعر التذكرة الموظف من الجنسية المصرية ( قال متى عاوز تمشي يباشا طبعا انبسطت باشا ومحد قدي عطيته الموعد قال ماشي يابرنس بـ 1500 قلت ايش قال اااه قلت ليش قال هوا كدا) قلت افا توني كنت باشا وين اسعار التذاكر الي سمعت انهاا 450 قال لا قلت ليش قال تتغير كل شويا وكل يوم قبل موعد الرحلة المحدده بتزيد… اليوم الثاني رحت قالي تغير سعر التذكرة 1700 قلت ماراح أروح قال ماشي براحتك يباشا ثالث يوم قلت احجز لي قال سعر التذكرة 2296 عاوز تمشي ولا لا !! هات فلوسك .. .. احد المسئولين في مطار تبوك ابلغتة بالي حصل قال ادارة المطار عندها خبر للأسف طبعا وضح لي ان الشركات المشغلة حجزها والمصيبة الشركات الثلاثة الناقلة حجزها غير ظاهر بنظام الطيران المدني يعني يتلاعبون مثل مايبغون .. طيب والطلاب الي يدرسون هناك و الناس الي تبي تروح طيب ايش الفايده .. سعر التذكرة غالي ولا أي خدمات تذكر على الطائرة ومدة الرحلة 50 دقيقة ليش التلاعب هذا .. طبعا السلطة الرابعة حقت تبوك الي هما الاعلامين قرائنا بالصحف قبل فتره أنهم راحوا للقاهرة برحلة نظمتها احد الشركات الظاهر سكتو الجماعة بالرحلة هذي .. طيب (.. أروح لمين يامين ينصفني … برأيكم مين ينصفوا..؟؟
ماهر الجازي
ياعم مولد وصحبة غايب
الطائرة مو اقل من الدجاجة في بلادنا
كله ينهب ويمص دم المواطن الغلبان
ولكن بالفعل سمعت من احد الزملاء ان سعر التذكرة حسب موعد السفر
الرقابه صفر هيالتذكره 420 ريا ل وليه 2296 لاكن من امن العقاب اساء الادب سا باشا اقصد اخ ماهر
قمة المهزله الى هذا الحد اصبح الاستهتار بالمواطن للاسف من امن المحاسبه يلعب على كيفه
يعطيك العافية اخوي ماهر بالفعل هذا الي يصير معنا واحنا طلاب بجامعة القاهره اول مره احد ينشد عن احولنا بالخارج..
ياجماعة مراسلي ومحرري الصحف بالمنطقة مكممة أقلأمهم أقصد ( أفواههم) وأي نقد يتعلق بمنطقة تبوك خط أحمر أما أخبار أستقبل وودع وشكر وأثني………الخ فهذة خط أخضر علي طول . وأصلي يامنطقة تبوك واصلي
السلام عليكم
اتوقع انك لاتعرف تحجز ولا تعرف نظام الطيران الخاص كل ماخططت للرحلة مبكرا كان السعر ارخص هذا يعرفه اصغر شخص سافر على رحلات دولية
لاجديد ومثل ماقال احد الاخوان الدجاجه مو احسن من الطائره
نصيحه مقاطعه الطيران(دور غيرها)من زين هالخدمات اجل يارجال اروح لنش سريع او باخره احسن لي
فيه طيران العقبه احسن وقريب وارخص
مع احترامي لكاتب النص ,,,,,,,وبارك الله في مجهودك
هل مازالت صحيفة صدى تبوك تبحث عن كتاب يجيدون الكتابة باللغة العربية الفصحى , والكتابة بلغة سهلة ممتنعة تناسب جميع طبقات الفكر والعقول ,وإجادة علامات الترقيم , أو من يقوم بتنقيح الكتابات فيها .!؟
نصب في نصب ياباشا
عاوز تمشي ياباشا
هههههههه
احجز من ضباء عن طريق البحر افضل وامتع نظرتي الشخصية كوني من عشاق البحر
والله كريم
استاذ ماهر لك مستقبل بالكتابة الساخره والظاهر هذه اللغة التي سيفهمها المسئول باسرع طريقة ولسى الاجازات جاية والتذاكر راح تغلى وتغلى ,, تحياتي لك
يا باشا انت لسع شفت حاجه نفس الفلم صار لي نامو يا مسؤوليين نامو
المواطن مستهدف بالسعوديه وخارجها ):
للاسف صدى تبوك ليس لديك شفافية وتقبل النقد من الطرف الاخر واتمنى من الكاتب وضع ايميله للنقل له ارائنا التي تحجبها صدى تبوك وهي تقييم مستوى المقاول وعدم استخدام اللغة العربية الفصحى واستخدام اسلوب الحديث في المجالس وسواليف الاستراحات
هذا الصحيح ياباشا
حتى الخطوط السعوديه بدات تعمل كذا ياباشا
والا انت اول مره تسافر طيران ياباشا
هل تعلم ان خطوطنا السعوديه يرتفع سعر تذكره الضيافه الي اعلى من سعر درجة رجال الاعمال كلما اقترب موعد الرحله والا انت اول مره تسافر ياباشا
لاتشتكي الخطوط المصريه روح اشتكي خطوطك السعوديه نفس الشغل يابرنس والا كمان ما سافرت على السعوديه
هو كذا الشغل ياباشا